"الأيام".. ويجز بيقدم لجمهوره أول أغاني ألبومه الجديد

ويجز رجع النهاردة بتراك جديد بعنوان "الأيام". الأغنية موسيقيًا بتعبر روح الصيف، بنسمع فيها كلمات جديدة، لكن في نفس الوقت بتعكس شخصية ويجز الفنية. نقدر نوصفها بإنها خليط بين المزيكا الحماسية والمحتوى العميق.

"الأيام" بتنزل النهاردة كأول إصدار رسمي من ألبوم ويجز الجاي، واللي أعلن عن ميعاد إطلاقه يوم 29 أغسطس الحالي، كخطوة جديدة ومختلفة في مسيرة ويجز، بعد سنين من التجارب اللي قدمته في مكانة خاصة على الساحة الموسيقية.

ويجز كمان هيقدم مجموعة من أغاني الألبوم الجديد في حفلته في مهرجان العلمين 2025 يوم 22 أغسطس الجاي، ومن المتوقع إن تراك "الأيام" يكون أول التراكات اللي هتتقدم وهيكون أول مرة يتغنى لايف قدام الجمهور.