فنانين الراب والمهرجان قصاد بعض في ريد بُل مايك فليكس

لأول مرة في مصر، ريد بُل هتقدم النسخة الأولى من ريد بُل مايك فليكس، السلسلة اللي هتجمع 10 موسيقيين من عالم الراب والمهرجانات، على مدار 5 حلقات منفصلين، كل حلقة هيكون فيها اتنين هيتحدوا بعض عشان يثبتوا مين هو ملك التحدي.

وزي ما شوفنا في البرومو، فالبرنامج هيضم نجوم زي "أبيوسف، أبو الأنوار، سانتا، عنبة، إسلام كابونجا، وزة منتصر، فارس سكر، مونتياجو، موسى سام، موسكو" والمواجهات بينهم هتكون على مواضيع هما نفسهم مش هيبقوا عارفينها.

ريد بُل مايك فليكس تجربة مش بس موسيقية، دي كمان تجربة ثقافية، بتجمع بين أنماط فنية مختلفة، وبتخلينا نشوف تحديات حقيقية من خلال المزيكا، والجمهور هو الحكم وهيشوف مين اللي بيعرف يفليكس على المايك.

يذكر إن اّخر تجارب ريد بُل الموسيقية كانت حفلة "ريد بُل چوك بوكس" مع تامر حسني اللي حصلت في شهر مايو 2025، وكانت مليانة تجارب موسيقية مختلفة من اختيار الجمهور.